Kamar yadda aka yi bayani a darasi na 3, cewa kasantuwar
zuwan watan Ramadan gabatarwa da kuma shimafi]a da ake yi na wannan darasi na
Fi}ihu za a dakatar a shiga babin Azumi, in ya so bayan watan Ramadan sai a
kammala gabatarwar da kuma shimfi]a, bayan haka kuma sai a shiga babin farko,
wato babin tsarki, bayan shi kuma babin Salla, da dai sauran babobi, insha
Allahu daidai gwargwadon iko.
Saboda haka yanzu
kammalawa ne na gabatarwa da kuma shimfi]a da aka yi a darasi na ]aya da na
biyu. Wannan kuwa shi ne Ijtihadi da Ta}lidi. Idan mutum ya duba littafai na
Risala Amaliyya, wato littafan Fi}ihu na fatawowin Mujtahidai na Madrasah ]in
Imamiyyah zai ga mafi yawansu, kafin su shiga cikin babobin Fi}ihu, sai sun yi
wannan gabatarwa ta Ijtihadi da Ta}lidi. Alal misali, mutum na iya duba
Tahriril Wasilah ko Zubdah na Imam Khumaini ({S), zai ga haka. Domin a Fi}ihun
Imamiyyah, dole ne Mujtahidin da mutum zai yi ta}lidi da shi a matakin farawa,
ya kasance a raye. Wannan kuma yana ]aya daga cikin bambance-bambance da ke
tsakanin Fi}ihun Imamiyyah, da kuma Fi}ihun Ahlus Sunna. Wato kamar dai yadda suke
da bambanci a wajen masadir na istinba]in hukunce-hukunce.
Saboda
haka shi wannan babi na Ijtihad da Ta}lid ya shafi mas’aloli ne da suka shafi
Mujtahidi da Muhta]i da kuma Mu}allidi. Domin a Fi}ihu, mutane ko mukallafai
sun kasu gida uku ne: Ko dai mutum ya kasance Mujtahidi; ko Muhta]i; ko kuma
Mu}allidi. Saboda haka, wajibi ne ga kowane mukallaf wanda bai kai matsayin
Ijtihadi ba a ibadodinsa da kuma mu’amalolinsa, ya kasance ko dai Muhta]i ko
Mu}allidi.
1-MUJTAHID:
Mujtahidi shi ne wanda yake da }udura (ikon) na fitar da hukunce-hukunce na
Shari’a daga masadir, sune ‘Kitab’, ‘Sunna’, ‘A}al’, ‘Ijma'i’.
A Ahlus Sunna kuma, ban
da wa]annan, akwai irin su {iyasi, Istihsan, Masalihil Mursala, da dai
sauransu. Sai dai nan afuwan, wa]annan kalmomi ne wa]anda bayaninsu yana fannin
Usulul Fi}ihu ne. Kuma Mujtahidi, akwai Mujtahid Mu]lak, shi ne wanda zai iya
Ijtihadi, wato ya tsamo hukunce-hukunce a dukkan babobi na Fi}ihu. Akwai kuma
Mujtahidi Mutajazziy, shi ne Mujtahidin da a wasu babobin na Fi}ihu yake iya
fitar da hukunci, (ba dukkan babobi ba).
Misali, zai iya fitar da
hukunci a babin Salla da Azumi, amma banda babin Zakka ko Hajji. Ko kuma zai iya yi a babin
Aure, amma banda a babin Gado. A ta}aice dai, ba a dukkan babobin Fi}ihu zai
iya istinba]i ba. To, tambaya a nan, shigen wannan Mujtahidi Mutajazziy, za a
iya ta}lidi da shi? Fu}aha’u sun yi bayanin cewa, a babobin da yake iya fitarwa,za’a
iya ta}lidi dashi.
To,
ta yaya ake gane, ko sanin Mujtahidi? Ana sanin Mujtahidi ta hanyoyi guda uku:
1- Ko ta hanyar shaidar adilai guda biyu, wa]anda suke ma’abota ilimi da kuma
gogayya; 2- Ko ta hanyar ya]uwar abin a tsakankanin ma’abota ilimi, wanda ta
kai mutum ya samu ya}ini a kan haka; 3- Ko ta hanyar jarraba shi Mujtahidin.
Wa]annan hanyoyi guda uku da ake sanin Mujtahidi da su, har ila yau sune ake bi
domin sanin A’alam (Mafi sani) a tsakankanin Mujtahidai.
Wata
mas’ala kuma ita ce, wa]anne hanyoyi ake bi domin sanin fatawar Mujtahidi?
Hanyoyi guda uku ne: 1- Ko dai ta hanyar jin fatawar kai tsaye daga wajensa; 2-
Ko ta hanyar na}altowa, ko ji daga adilai guda biyu, ko ma guda ]aya. Ba ma
haka ba, Imam Khumaini ({S) ya ce, ko da daga mutum guda ]aya ne ya wadatar, in
dai ana da si}a da kuma natsuwa da maganarsa; 3- Ko kuma ta hanyar komawa ga
Risalah ]insu (wato littafin da Mujtahidin ya rubuta na fatawowinsa), amma da
shara]in Risala ]in ta kasance amintacciya daga kurakurai.
2-
MUHTA[: Muhta]i shi ne wanda ya wuce mataki na ta}lidi, amma kuma bai kai
mataki na Ijtihadi ba, wato ba zai iya istinba]in hukunce-hukunce ba daga
masadir da aka ambata a baya ba. Amma a lokaci guda kuma ya san fatawowin
Mujtahidai daban-daban, da kuma inda suka sassa~a. To, a inda suka sassa~a ]in,
shi Muhta]i zai yi aiki da abin da yake Ahwa]u, na fatawowin nasu. Misali, wani
Mujtahidi ya ba da fatawar cewa aikata kaza haramun ne, wani Mujtahidin kuma ya
ba da fatawar cewa aikata kazan ba haramun ba ne. To, a nan sai ya yi ihtiya]i
na rashin aikata abu kazan. Ko kuma misali, wani Mujtahidi ya ce aikata kaza
wajibi ne, wani Mujtahid ya ce aikata kazan mustahabbi ne. To, a nan sai
Muhta]i ya yi ihtiya]i ya aikata abin.
Wata
mas'ala kuma ita ce, ya halatta mutum ya yi aiki da Ihtiya]i ko da haka zai kai
shi ga maimaita aiki. Misali, wani Mujtahidi ya yi fatawar cewa Sallar }asaru
ga matafiyi, kilomita kaza, wani Mujtahidin kuma ya ce kaza. To, a nan sai
mutum ya yi ihtiya]i tsakanin wa]annan fatawowin nasu guda biyu, ya yi Sallar
}asaru ]in, kuma ya cika. Wato aiki guda ]aya, amma mutum ya maimaita shi sau
biyu. To, yin haka ya halatta. Saboda haka zama a ajin Muhta]i yana da wahala,
saboda na farko yana bu}atar mutum ya yi dogon bincike na fatawowin Fu}aha’u
domin sanin inda suka sassa~a, don mutum ya yi aiki da Ahwa]u na fatawowin
nasu. Na biyu kuma, yana bu}atuwar mutum wani lokaci ya maimaita aiki, kamar
wancan misalin da aka bayar na }asaru da kuma cikawa.
Baya
ga haka kuma, sanin wajajen Ihtiya]i ka]an ne suka sani. Saboda haka, da yawa
daga cikin Malamai idan dai su ba Mujtahidai ba ne, sukan za~i zama cikin ajin
Mu}allidai, domin ya fi sau}i. Akwai ma wanda ya tambayi Ayatullahi Khamene’i
dangane da haka, ya ce wane ne ya fi, mutum ya yi aiki da Ihtiya]i ko da Ta}lidi
(wato mutum ya zama Muhta]i ko Mu}allid)? Ga amsar da Ayatullahi Khamene’i ya
ba shi: “Kasantuwar aiki da ihtiya]i ya dogara ne ga sanin wajajensa da kuma
sanin kaifiyya ]in ihtiya]in, kuma wa]anda suka san haka ka]an ne. Kuma }ari ga
haka, aiki da ihtiya]i yana bu}atuwa galibi ga cin lokaci (wato saboda wani
lokaci akwai maimaiton aiki), saboda haka abin da ya fi shi ne yin Ta}lidi ga
Mujtahidi, wanda ya cika sharu]]a.
A
ta}aice dai, in mutum shi ba Mujtahidi ba ne, zamansa a ajin Mu}allidai ya fi.
Bayan haka kuma, akwai wani nau'i na ihtiya]i wanda sanin sa da kuma fahimtar
sa yana da gayar muhimmanci. Shi irin wannan ihtiya]i ya kasu kashi biyu: Akwai
Ihtiya] Wujubiy; da kuma Ihtiya] Istihbabiy. Ihtiya] wujubiy shi ne ihtiya]in
da wata fatawa ba ta gabace shi ba da ta sa~a masa ko kuma ta biyo bayansa ta
sa~a masa. To, shi irin wannan ihtiya]i na wujubiy in mutum ya ci karo da shi a
Risalah ]in Mujtahidin da yake ta}lidi da shi, abin da ya hau kansa shi ne
]ayan biyu: Ko dai ya yi aiki da shi; ko kuma ya koma ga wani Mujtahidin da
yana da fatawa a kan mas’alar ba ihtiya]i ba. Amma ya kasance Mujtahidin da zai
koma masa kan ita mas’ala ]in ya zamanto A’alam, wato mafi sani a tsakanin su
Mujtahidan.
Shi
kuma ihtiya] istihbabiy shi ne wanda wata fatawa ta gabace shi, amma ta sa~a
masa ko kuma ta biyo bayansa ta sa~a masa. Ko kuma amfani da kalima ta
Aulawiyyah, kamar Mujtahidi ya ce ‘wal-aulal-ahwa]’, kaza. To, a irin wa]annan
wajaje guda uku na Ihtiya]i Istihbabiy, mutum na da za~in ko dai ya aikata
ihtiya]in ko kuma ya bar shi, wato ba dole ba ne mutum ya aikata shi. Sai dai
in ya aikata haka ]in ya fi. Domin dai }arin bayani, mutum na iya duba littafin
Tahriril Wasila ko Zubdah.
A
mas’ala ta }arshe a babin Ijtihadi da Ta}lidi zai ga yadda Imam Khumain ({S) ya
yi bayanin shi wannan Ihtiya] wujubiy da kuma Istihbabiy. Kuma kamar yadda aka
ambata a baya cewa fahimtarsa yana da gayar muhimmanci, domin zai yi wahala ka
samu babi daga cikin babobin Fi}ihu tun daga farkonsa har }arshensa a ce mutum
bai ci karo da irin wannan Ihtiya]i ba na wujubi da kuma istihbabi, musamman ma
ga masu ta}lidi da Imam Khumaini ({S). A Risalah ]insu akwai ihtiya]i fiye da
sauran Risaloli na wasu Mujtahidai.
3-
MU{ALLID: Mu}allidi shi ne wanda yake ta}lidi da ]aya daga cikin Mujtahidai.
Ta}lidi kuma shi ne aiki wanda aka jingina shi ga fatawar Fa}ihi ayyananne.
Saboda haka, idan mutum yana Imamiyyah, to wajibi ne a kansa, ba wai mustahabbi
ba. A ibadodinsa da kuma mu'amalolinsa da suka shafi ~angaren Fi}ihu, ya
zamanto akwai Mujtahid da yake bi a kai. In kuwa ba haka ba, ayyukansa ~atattu
ne, kamar dai yadda Imam Khumaini ({S) da kuma sauran Mujtahidai suka yi
bayani. Alal misali, mutum na iya duba littafin Tahriril Wasilah a babin
Ijtihadi da Ta}lidi a mas’ala ta 24. Imam Khumaini ({S) yana cewa: “Idan mutum
ya san cewa ya kasance a cikin ibadodinsa ya yi su ba tare da ta}lidi ba (wato
bin wani Mujtahidi) a wata mudda ta zamani, amma bai san gwargwadon muddar
zamanin ba, to in ya san abin da ya yi ba a kan ta}lidi ]in ba (misali Salla ko
Azumi) da kuma muwafa}ar abin da ya yi a baya ga fatawar Mujtahidin da yake
ta}lidi da shi a yanzu. To, in an samu wannan muwafa}a, to shi bai da matsala.
In kuwa ba a samu wannan muwafa}a ba, to sai ya rama ayyukansa na baya.”
Saboda
haka, in muka duba za mu ga abin na da ha]ari sosai, domin shi Fi}ihun
Imamiyyah ba kamar Fi}ihun Ahlus Sunna ba ne cewa, in ka ga dama za ka iya zama
ba ka bin Mazhaba, wato ba ka Malikiyyah ko Shafi'iyyah ko Hambaliyyah ko
Hanafiyyah. Ko kuma in ka ga dama ka yi yawo tsakankanin Mazhabobi, wato in a
wata mas’ala ka ji Malikiyyah ta yi maka zafi sai ka koma Shafi’iyya ko
Hanafiyya.
To,
a Imamiyyah ba haka ba ne, dole ga mutum idan dai shi ba Mujtahidi ba ne ko
Muhta]i, ya zamo akwai Mujtahidin da yake ta}lidi da shi. Saboda haka, wannan
yana da muhimmanci gare mu da yaranmu da suka taso, suka kai matsayi na
taklifi, wato irshadinsu ga ita wannan mas’ala. Alal misali, akwai wanda
ya tambayi Ayatullahi Khamene’i, ya ce, yarinyarsa za ta kai shekaru na taklifi
nan da wani lokaci, to a lokacin zai zama wajibi a kanta ta za~i Mujtahidin da
za ta yi ta}lid da shi. To, kasantuwar sani da fahimtar haka yana da wahala a
wajenta, a taimaka mani da bayanin abin da ya wajaba in yi? Ga amsar da
Ayatullahi Khamene’i ya ba shi: “Idan ita a }ashin kanta tunaninta bai kai ga
haka na abin da ya hau kanta a Shari’a dangane da wannan al’amari ba, to abin
da ya hau kanka shi ne ka sanar da ita da kuma irshadantar da ita a kai.”
Wani
kuma ya tambaye shi cewa: “Wasu mutane in muka tambaye su wanda suke ta}lidi da
shi, amsarsu ita ce ba mu sani ba, ko kuma su ce muna ta}lidi da Marji'i wane,
amma kuma a lokaci guda ba su ganin kawukansu cewa lazim (dole) ne su koma ga
Risalah ]insa domin su yi aiki da ita. To, meye hukuncin aikinsu? Ga amsar da
Ayatullahi Khamene’i ya bayar: “Idan ayyukansu sun yi muwafa}a da ihtiya]i, ko
suka dace da daidai, ko suka yi muwafa}a da Mujtahidin da suke bi, to ayyukansu
sun inganta.”
Wani
kuma ya tambaye shi, shin ya halatta mutum ya yi ta}lidi da Mujtahidin da bai
rubuta Risalah Amaliyyah ba? Ya ba shi amsa da cewa: “In dai ta tabbata ga shi
mukallafi cewa Mujtahidi ne wanda ya cika sharu]]a, to ba matsala a haka”.
Wani
kuma ya tambaye shi, shin ya halatta ta}lidi da Mujtahidai na wasu garuruwa ko
}asashe, ko da a ce ko mutum bai iya ha]uwa da su? Ga amsar da ya bayar:
“Ta}lidi a mas’aloli na Shari’a ga Mujtahidin da ya cika sharu]]a, ba a
shar]anta cewa dole ne Mujtahidin ya zamo a garin da mutum yake ba.”
Wata
mas’ala kuma ita ce, ya halatta wa mutum ya yi canji daga wannan Mujtahidin da
yake raye zuwa ga wani Mujtahidi da shi ma yake a raye, amma da shara]in su
zamo daidai a ilimi. In kuwa ]ayan ya fi shi, to wajibi ne komawa gare shi,
amma a bisa ihtiya]i wujubiy, kamar dai yadda Imam Khumaini ({S) ya yi bayani.
Haka nan idan su Mujtahidan iliminsu ]aya, to mutum ya samu ya ]auki sashen
wasu fatawowi daga wannan, wani sashen kuma daga wannan. Misali, a ibadodi yana
bin fatawowin wannan, a kuma mu'amaloli yana bin fatawowin wannan.
Haka
nan idan mutum na ta}lid da wani Mujtahidi, sai Allah (T) ya yi masa rasuwa, to
yana iya komawa ga wani Mujtahidin da yake a raye, amma tare da kiyaye A’alam.
Da dai sauran mas’aloli da suke da ala}a da ta}lid da Mujtahidai suka fitar a
littaffan Risalolinsu, wanda ba za a iya kawo ba saboda gudun tsawaitawa. Ga
mai bu}ata yana iya komawa ga Risalar Mujtahidin da yake wa ta}lidi domin }arin
bayani.
Sai
]an bayani dangane da mas’alar Adala, wato takan zo jefi-jefi a wasu babobin
Fi}ihu, musammman ma wajen ba da shaida kamar wanda aka ambata a baya na cewa,
]aya daga cikin hanyoyin sanin Mujtahidi ita ce shaidar Adilai guda biyu. Ko
kuma misali shaidar Adilai a wajen ganin wata, ko shaida a wajen sakin aure, da
dai misalan irin su, wanda akan shar]anta Adala ga masu shaidar.
To,
Adala ita ce, ko na nufin wata siffa wadda take tabbatacciya ga mutum, wadda ta
zamar masa malaka, wato jini da tsoka ko jiki, wadda ta kai ga tana tunku]a shi
ga lizimtar ta}awa ta hanyar nisantar abubuwan da aka haramta da kuma aikata
abubuwan da aka wajabta masa. Kuma hukuncin Adala na iya gushewa idan mutum ya
aikata manyan laifuffuka ko kuma ya dage a kan aikata }ananan laifuffuka.
Amma
idan mutum ya tuba hukuncin Adala ]in zai iya dawowa gare shi, wato wannan dai
ya nuna bambancin Adala ko ta}awa, da kuma ‘Ismah’. Wato mutum na iya zama
Adili ko mai ta}awa a wani lokaci, wani lokaci kuma sakamakon ayyukan da ya
aikata marasa kyau, sai ta}awar ko Adalar ta gushe. Amma ita ‘Ismah’ ta
Ma’asumi ba ta gushewa, wato ko da wane lokaci tana nan tare da shi.
Wannan
ke nan dai baki ]aya a ta}aice dangane da kammalawa na ita wannan shimfi]a da
kuma gabatarwa a wannan darasi na Fi}ihu. A darasi na gaba insha Allah za a
shiga Kitabut Tahara.
Kasantuwar
a Fi}ihu na Ahlus Sunna }ofar Ijtihadi a kulle take wajen su, shi ya sa abubuwa
da yawa a wannan zamani na Masa'ilul Mustahadasa babu su a littaffansu na
Fi}ihu, saboda haka ba su da fatawa a kai. Amma ko a Fi}ihun Imamiyyah abin ba
haka yake ba, Fi}ihu ne mai rai, wanda ya ba da amsa, yake kuma ba da amsa ga
dukkan sabbabbin abubuwa na zamani. Misali, mutum na iya duba littafi na
Tahriril Wasilah na Imam Khumaini ({S) (juz'i na biyu), }arshensa, Imam ya
fitar da babi wanda yake bayani dangane da hukunce-hukunce na sababbin abubuwa
na zamani, wanda in mutum ya duba babin zai ga cewa duk da ci gaban wannan
zamani, wasu fatawowi da Imam ya fitar ci gaban zamanin bai kawo nan ba. Amma
ga amsoshinsu da Imam Khumaini ({S) ya bayar. Shi ya sa a Fi}ihance a wannan
zamani namu, Fi}ihun Imamiyyah ne kawai zai iya tafi da shi, domin shi yana da
amsa ga dukkan abubuwa na zamanin.
Akwai
ma Malamai na Imamiyyah a wannan zamani da suka rubuta littafan Fi}ihu khususan
kan Masa'ilul Mustahadasa. Alal misali, littafin Masa'ilul Mustahadasa na
Sayyid Muhammad Sadi} Rauhaniyyah, da dai sauran wasu da fu}aha’u suka rubuta.
No comments:
Post a Comment